Болжам тұрақты: S&P "Евразия" Өмірді сақтандыру компаниясының рейтингісін "BBB-" деңгейінде растады
22.08.2023
Халықаралық S&P Global агенттігі "Евразия" Өмірді сақтандыру компаниясының рейтингісін "BBB-" болжам "Тұрақты" деңгейінде растады. Бұл туралы Stan.kz ақпарат агенттігі хабарлайды.
"Евразия" Өмірді сақтандыру компаниясы отандық өмірді сақтандыру компаниялары ішінде S&P рейтингісінің жоғары көрсеткішіне ие екі компанияның бірі. Рейтинг еліміздің рейтингісіне сәйкес.
S&P сарапшыларының ойынша, Eurasia Life бизнестің ағымдағы және болжамды көлемін қолдау үшін жеткілікті капиталға, өтімділіктің сенімді позициясына және инвестициялық портфельдің жақсы сапасына ие.
"Рейтинг сапа белгісі іспеттес, тұтынушылардың сенімі негізделген компанияның беріктігі мен тұрақтылығын көрсетеді. "Евразия" өмірді сақтандыру компаниясы белсенді түрде өсіп, цифрлық шешімдер мен қызметтерді дербестендіру бағытында дамиды. Біз клиенттермен жұмыс тәжірибесін жақсартуға, өнім желісін кеңейтуге және қаржылай сақтандырудың ең сенімді серіктесі ретінде өз позициямызды нығайтуға тырысамыз", - деп пікір білдірді "Евразия" Өмірді сақтандыру компаниясының Басқарма Төрағасы Оксана Радченко.
ҚР Ұлттық Банкі мәліметі бойынша, 2023 жылдың алғашқы жартысында "Евразия" Өмірді сақтандыру компаниясының активтері 65,5 млрд теңгеден, ал меншікті капитал 24,4 млрд теңгеден асты. Компанияның таза пайдасы 4,7 млрд теңгені құрады. Компания 11 млрд теңгеден жоғары сақтандыру премиясын жинап, 774 млн теңге төлем жасады.
Айта кетейік, сәуір айында Директорлар Кеңесінің шешімімен Оксана Радченко "Евразия" Өмірді сақтандыру компаниясының Басқарма Төрағасы болып тағайындалды.
Лицензия ҚР ҚНРД №2.2.13 28.12.2022 берілген.